Dólar estatounitense

Dólar estatounitense United States dollar
Moneda d'un centimo de dólar
Información cheneral
Codigo:	USD
Ambito:	Estatos Unitos Atros países americans: Ecuador, El Salvador, Puerto Rico, Panamá, Is.Turcas y Caicos, Islas Virchens brit. y EE.UU. Atros países ocianicos: Guam, Is.Marshall, Micronesia, Is.Marianas N., Palau, Samoa Americana, Timor Oriental, Terr.Indico Britanico,^[1] y en l'aria insular d'Estatos Unitos
Simbolo:	$
Emisor:	Reserva Federal
Valors
Fraccions:	Cien centimos Diez dimes
Monedas:	1¢, 5¢, 1 dime, ¼$, ½$, $1
Billetz:	$1, $2, $5, $10, $20, $50, $100, $100.000
Datos financiers
Tasa de cambeyo 25-05-2009:	$1 = 0,7141 €

O dólar estatounitense ($ u US$) ye a moneda oficial d'Estatos Unitos. Anque nomás s'emiten dolars en iste país, d'atros países, como Ecuador y El Salvador tamién han adoptato o dólar estatounitense como moneda oficial. O codigo ISO 4217 para ista moneda ye USD.

Contenius

[amagar]

[editar] Monedas y billetz

Ye dividito en 100 cents u centavos (o suyo simbolo ye ¢).
As monedas fraccionarias en son:

Penny u cent: 1¢
Nickel: 5¢
Dime:10¢
Quarter: 25¢

Tamién bi ha monedas de 50¢ y d'1 $, anque por un regular no son emplegatos.
Os billetz son de 1 $, 5 $, 10 $, 20 $, 50 $ y 100 $. Bi habió tamién billetz de 1.000 $.

[editar] Monedas de dólar estatounitense (y fraccions)

Valura (en $)	Efichie	Reverso
0,01 $	Abraham Lincoln	Molimento a Lincoln
0,05 $	Thomas Jefferson	Monticello
0,10 $	Franklin D. Roosevelt
0,25 $	George Washington	Escudo d'Estatos Unitos (atras versions)
0,50 $	John F. Kennedy	Escudo d'Estatos Unitos (atra versión)
1 $	Sacajawea (atra versión)	Aliga (atra versión)

[editar] Billetz de dólar

[editar] Actuals

Valura (en $)	Efichie	Muestra
1 $	George Washington
2 $ (rarament emplegatos)	Thomas Jefferson
5 $	Abraham Lincoln
10 $	Alexander Hamilton
20 $	Andrew Jackson
50 $	Ulysses S. Grant
100 $	Benjamin Franklin

[editar] Fuera de circulación

Os billetz que s'amuestran en a tabla anterior son os billetz de dólar emplegatos hue; sindembargo, tamién se'n emitioron d'una valura mes alta. Asinas, en 1861 s'emitioron pagaretz meritorios d'intreses por valura de 500$, 1.000$ i 5.000$; en 1865 s'emitioron certificatos d'oro por valura de 10.000 dólars.
En 1929 y 1934, con os billetz de valuras normals dende 1 dica 100 dólars, tamién s'emitioron valuras altas, con a mesma mida y caracteristicas d'as emisions normals. Asinas, bi habió os siguients billetz:

500 $: William McKinley, seguntes o estandard de 1929, equivalent a 6.375,24 dólars actuals.
1.000 $: Grover Cleveland, seguntes o estandard de 1929, equivalent a 12.750,49 dólars actuals.
5.000 $: James Madison, seguntes o estandard de 1929, equivalent a 63.752,44 dólars actuals.
10.000 $: Salmon P. Chase, seguntes o estandard de 1929, equivalent a 127.504,87 dólars actuals.
100.000 $: Woodrow Wilson, seguntes o estandard de 1929, equivalent a 1.631.172,07 dólars actuals.